النهاردة انا هتكلم عن حاجه بالتاكيد هتحصل لكل الناس او حصلت بالفعل
النهاردة هنتكلم عن مقبلات
وانا واحد من الناس حصلى مواقف كتير اوى
من ضمن المواقف ان فى احد المرات كنت بتكلم مع واحد من اصحابى انى ببحث عن عروسه
الرجل صراحه متاخرش سالنى عن الموصفات
وفى وسط كلامى الراجل عمال يتعجب ويسبح ربنا وكان لسان حاله بيقولى انت طلبك عنى بالظبت
طبعا انا خلاصت كلامى وهو قالى ان شاء الله قريب جدا نحدد المعاد مع الناس ونروح نشوف العروسه ياعم
بعد كام يوم كده اتصل بيا وحدد معايا المعاد
وانا بقى روحت لابس الطقم الجامد بتاع الرسميات رايح اخطب بقى ورحت جايب علبة شيكولاته من المحل المخصوص بتاعى اللى الراجل تقريبا حفظنى من كتر علب الشيكولاته اللى بخدها منه وعمرى ماروحت منهم علبه على البيت الا كله على العرايس
المهم الرجل قبلنى واتحركنا مع بعض
واحنا فى وسط الطريق بالظبط قالى يا على انا عايز اقولك على حاجه كده !!!
بصراحه البيت اللى انت هتشوفها النهاره ديه اختى
قولتله يا عم ما انا عارف ان انت لازم تخدنى لناس انت عارفهم كويس وزاى اهلك تمام وهو انت اى حد يا محمد
قالى لا اختى بجد
طبعا انا اتصدمت من الكلام اصل انا عارف ملمح كويس ومتاكد ان الشكل ده ميكونش ليه اخوات حلوين ابدا استحاله
المهم لحنا تقريبا وصلنا البيت عدنه بدرى شويه وقبل ما ندخل على البيت لقيته قرب من اتنان بنات فروحت انا بقى رايح واقف بعيد
واستغربت من اشكال الناس اللى هو واقف معاهم انا مش شايف وشهم لكان شايف البس
( بضى احمر ) تحس انه مش ملبوس لا ...... تحس انه مدهون على الجسم مع البنطلون ابو لبيسه اللى كل الشباب عارفينه
صراحه انا مطولتيش النظرات وقولت اتقى ربنا عشان الاستخارة اللى انا عامله تجيب نتيجه
المهم هو خلص كلامه والناس مشيت وطلب منى اروح معاه ناخد حاجات للبيت واحنا طلعين
وصلنا للشقه بتاعته ودخلت انا الصالون واستنيتى لما يختارلى مكان اقعد فيه ( محترم بقى )
شويه ودخلت علينا واحده زاى القمر جايبه حاجه نشربها لسه ببصلها قالى ديه بقى يا عم على طبقى زوجتى
مفيش دقيقتينى بالظبط وجات لحظه وصول العروسه دلت هى وانا بختلس النظرات اليها من تحت لتحت لقيتها لبسه اسدال اسود كده والحمدلله وصلت لوشها اوباااااااااااا
ياريتى ما كنت وصلت لوشها يااخى ...!
بصراحه البيت شويه وهتبكى من الخشوع خجوله اوى ومش عارفه تبصلى خالص
وانا كمان مش عارف ابوصلها لا شكلها صعب اوى ومش عارف ليه فكرتنى بمصارع كنت بتفرج عليه زمان اسمه الكينج بوكار
ما علينا من الشكل
البينت بعد دقيقتين الخجل بدا يروح واخدت راحتها اوى فى القاعده
والضحك اشتغل وابتدات هى اللى تسالنى عن نفسى وعن حالى وانا صراحه ببصلها على استحياء ومن ضمن مرات اللى ببصل عليها
لقيت الاسدال مفتوح وتحت منه بضى احمر
بضى احمر
يانهار اسود ديه كانت واحدة من الاتنان اللى محمد كان واقف معاهم تحت يا بنت اللذينه وعملالى فيها رابعه العدويه وشويه وكنت هسمع فى ودنى اغنيه الرضا والنور والصبايا الحور
محمد طلع بيشتغلنى وعاوز يفصلى اخته على موصفاتى
طبعا انا بقيت عاوز اقوم اضرب محمد بالجزمه
واضرب اخته جزمتين على التمثليه بتاعتها
وفضلت ساكت ابصلهم والحوار شغال فى دماغى
لغيت ما قولت لمحمد طب انا اتعرف على الحروسه وان شاء الله هستخير ربنا وهرد عليك ان شاء الله عشان اعرف رد العروسه
راحت هى قالت لا انا موفقه شوف نفسك انت كركركركر ديه طبعا ضحقتها اللى كرهتنى فى صنف الحريم كلها
وهربت من ساعتها ولسه مرديتش على محمد لغايت دلوقتى
ومرة غيرة روحت لعروسه وفى وسط الكلام بسال انتى حافظه كام جزء من القراءن بعد نظرات الخجل والكسوف رادت وياريتها ما ردت قالت 32 جزء
يانهار اسود 32 طب وانتى جيتى الاتنان دول منين
ما علينا
مرة تانيه كنت عند واحد صحبى وبتكلم برضو عن الجواز وانا ساعتها كنت ملتحى فجت ست قالتى يابنى انت شكللك ابن حلال انت ليك عندى عروسه وادينى العنوان عشان اشوف العروسه
روحت انا المنطقه ومش هقولكم على العنون وهتعرفو ليه فى الاخر
الغريب انى كل ما اسال عن البيت ده الناس تبصلى بقرف جدا
لغايت ما شاب الله يباركله
قالى انت تقصد بيت ام داليا قولتله مش عارف بالظب بس انا عارف العنوان
قالى اشطه عليك يا شيخ انت طلعت صاحب مزاج
المهم وصفلى وانا داخل البيت اتنان رجاله نزلينى وشفونى وانا بسال عن الشقه فضلو يضحكو جامد ( انا مش عارف ايه التخلف ده )
ما علينا خبط انا والشقه اتفتحت ولقيت الست اللى كانت مديانى المعاد بتقولى اتفضل يا خويا قولتله حضرتك راجل البيت فين قالتلى خوش هيجى ان شاء الله
دخلت وهى راحت ناديت على البينت يابت يا سميرة تعالى العريس جه اهو
وصلت سميرة ووشها ممسوح من بقايى الميكاب ودخلت دخله غريبه كده وفضلت تقولى انا ان شاء الله هكون ملك ايديك وهسمع كلامك وان شاء الله مش هضيقك خالص وصدقونى انا حوجبى لصقو فى جبينى من الاندهاش من طريقته وشويه والبينت عيطت وقالتى والله انا غلبانه ونفسى اقرب من ربنا
بعد ناظره على الشقه عرفت الناس تحت كانو قرفنين منى ليه وايه اسباب ضحك الرجاله وانا طالع
الحمد لله المغرب اذن وانا قولتلهم انا هصلى المغرب فى المسجد وجاى واخدت ديلى فى سنانى وقولت يا فكيك
طبعا انا عارف ان الشباب مش هتهتم بالقصه كلها وهيموته ويعرفو عنوان الشقه ههههههههه
ده غنيك بقى عن عوسه تروحله تلقى ابوها مستقبلك بالجلبيه والجلبيه مش نضيفه او مقطوعه
ده غير الرجاله اللى مابيكونش ليهم اى دور فى القاعده
وماذال البحث مستمر عن عروسه بنت حلال
0 التعليقات على "البحث عن عروسة "
إرسال تعليق